Sport kurashlari. Oknazarova jahon chempionati bronza medali uchun gilamga chiqadi

Kecha musobaqaning navbatdagi kuni ayollar o'rtasidagi bellashuvlar o'tkazilib, bugun final blokida medallar uchun gilamga chiqadigan juftliklar malum bo'ldi. 

Quvonarlisi, ular orasida hamyurtimiz Svetlana Oknazarova ham bor. 72 kg vazn toifasida yurtimiz sharafini himoya qilayotgan kurashchi-qizimiz ilk davrada polshalik Patrisiya Sperkani 7-0 hisobida engdi. CHorak finalda qozog'istonlik raqibasiga imkoniyatni boy berib qo'ydi. Jamila Bakbergenova finalga yo'l olgani bois, Oknazarova bronza medali uchun kurashish huquqini qo'lga kiritdi. Uning raqibasi ruminiyalik Aleksandra Anxel bo'ladi. 

Yana bir kurashchimiz Layloxon Sobirova ham 1/4 finalga etib keldi. Faqat uni ushbu bosqichda taslim etgan mo'g'ulistonlik Davaachimeg Erxembayar finalga chiqa olmadi. Natijada 57 kg vazndagi Sobirova jahon chempionatini 1/4 finalda yakunladi. U ilk bosqichda meksikalik Alma Eskotoni taslim etgan edi.