30 iyu 21:02
Yangiliklar

Sport kurashlari

Sport kurashlari. Umidjon Jalolov jahon chempioni!

Bolgariyada o'smirlar o'rtasida jahon chempionati o'zining eng qizg'in pallasiga kirib ulgurgan.

Musobaqaning ikkingchi kungi janglari doirasida -55 kg vaznli erkin kurashchimiz Umidjon Jalolov final bahsini o'tkazdi. Hal qiluvchi jangda hamyurtimizga eronlik Mahdi Mehrdod Veysi to'qnash keldi. Keskin bahsda hamyurtimiz 3:1 hisobida g'alaba qozondi va o'smirlar o'rtasida jahon chempioniga aylandi. Eslatib o'tamiz, Jalolov musobaqa davomida kanadalik Fotis Devid Papadopoulosni 10:0, qirg'izistonlik Mirbek Sarabekovni 10:0, hindistonlik Aman Amanni 3:0, turkiyalik Muhammad Karavusni 8:0 hisobida dog'da qoldirdi.

Malumot uchun, Umidjon Argentinada o'tkazilgan III yozgi o'smirlar Olimpiadasining oltin medal sohibi hisoblanadi.