Sport vaziri Ko'kdalaga bordi

Sport vaziriga Ko'kdala tuman hokimi X.Jo'raev hamda viloyat Sport boshqarmasi boshlig'i V.Ro'ziev hamrohlik qildi. Vazir bundan tashqari sportchilarning mashg'ulotlar bilan shug'ullanish jarayonlari ham ko'zdan kechirdi.

SHuningdek, Qarshi olimpiya va paralimpiya sport turlariga tayyorlash markazida Sport vazirligi tomonidan berilgan zamonaviy tibbiyot uskunalari bilan jihozlangan tibbiyot va reabilitaciya bo'limida olib borilayotgan ishlar ham o'rganildi. U erda sportchi-o'quvchilarga tibbiy xizmat ko'rsatish bo'yicha amalga oshirilgan ishlar yuzasidan masullar bilan muloqot o'tkazildi.

Keyingi manzilda Qashqadaryo viloyat futbol akademiyasi o'rganilib, u erdagi qurilish jarayonlari, inshootlarni jihozlash bo'yicha pudratchi tashkilot masullari bilan qurilish ishlarini o'z vaqtida va sifatli yakunlash masalalari muhokama qilindi.

Bundan tashqari, Sport vaziri viloyat Yakkakurash sport turlariga ixtisoslashtirilgan sport maktabida bo'lib, maktab infratuzilmasi va o'quvchi-sportchilar uchun yaratilgan sharoitlar bilan tanishib, ular yuzasidan masullarga tegishli topshiriqlar berdi.