Sportchimizning ikki yillik mag'lubiyatsiz seriyasini hakamlar buzishdi

Finalda amaldagi jahon chempioni, eronlik Amir Mehdizodaga qarshi bo'lib o'tgan jangda asosiy vaqt 0:0 hisobida yakunlandi. Asosiy vaqtdagi aniq zarbani hakamlar hisobga olishmaganini alohida qayd etishimiz lozim. Qo'shimcha vaqtlarda esa eronlik sportchi 3:2 hisobida g'alaba qozondi va Osiyo chempionligini qo'lga kiritdi. Vakilimiz esa kumush medal bilan kifoyalandi.

SHu tariqa Sadriddin Saymatovning ikki yillik mag'lubiyatsiz seriyasini hakamlar buzishdi. U so'nggi marotaba 2015 yilgi Osiyo chempionatida mag'lubiyatga uchragandi. 

19 yoshli sportchimiz bungacha 5 ta Gran Pri turnirida g'oliblikni qo'lga kiritgan. "Islom birdamlik o'yinlari"da ilk oltin medalni ham aynan Sadriddin O'zbekiston hisobiga qo'shib qo'ygandi.