Sportimiz mutasaddilaridan o'ziga xos master–klass yoxud shaxsiy namuna effekti

Matbuotchilarning o'ziga xos sport bayramiga aylanib ketgan spartakiadada respublikamizda faoliyat yuritayotgan 150 nafarga yaqin jurnalistlar, matbuot xizmati va OAV xodimlari sportning badminton, stol tennisi va voleybol turlari bo'yicha o'z mahoratlarini sinab ko'rishdi.

Spartakiada o'yinlarini tomosha qilish uchun tashrif buyurgan Jismoniy tarbiya va sport vazirining o'rinbosari Avazjon Karimov hamda Milliy olimpiya qo'mitasi raisi Rustam SHoabdurahmonov musobaqaning o'tkazilish jarayoni, ishtirokchilar uchun yaratilgan sharoitlar va ularning kayfiyatlari bilan qiziqdi.

Uchrashuv davomida MOQ raisi hamda vazir o'rinbosari OAV xodimlari uchun stol tennisidan o'ziga xos mahorat sabog'ini taqdim etib berishdi. SHu bilan birga har ikki tashkilot mutasaddilari O'zbekiston Respublikasi Prezidentining 2020 yil 30 oktyabrdagi «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Farmoni ijrosini taminlash maqsadida o'z xodimlari va ularning oila azolari o'rtasida haftaning shanba kunlari soat 14:00dan keyin sport musobaqalari tashkil etilishiga etiborni yanada kuchaytirishga kelishib oldi.