Stiven Tompson: "Bir yarim yil oldin SHavkatning kimligini bilmasdim"

"Usmon bilan jang qilishni istagandim, chunki u menga chaqiruv tashlagandi, biroq UFC uning uchun boshqacha narsa tayyorlab qo'ygan ekan. Men ham o'rni mendan yuqori bo'lgan jangchini istagandim. Men jang qilgan ko'plab yigitlarning o'rni mendan pastda edi - Jeff Nil, Visente Luka, Pereyra... Agarda ular yana men bilan jang qilmoqchi bo'lsa, vazn to'plashi kerak. Raqibimning o'rni mendan yuqorida bo'lishni istayman. Umuman olganda endi bu hech nimani anglatmaydi.

Usmon bilan jang bo'lmaydi, faqatgina SHavkat varianti qoldi. U Gastulem bilan bellashishi kerak bo'lgandi, biroq bu jangni ham bekor qilishdi. Bilaman, SHavkatning o'rni menikidan yuqori. Biroq bir yarim yil oldin SHavkat bilan jang qilishni taklif qilishganida, uni hatto tanimagan ham bo'lardim", - dedi Tompson.