Stol tennischilarimiz Germaniyadagi musobaqada ishtirok etishadi

Rejaga ko'ra, hamyurtlarimiz ertaga Germaniyaning Magdeburg shahrida start oladigan “German Open” turnirida qatnashishadi.

Mazkur musobaqa mavsumning ilk nufuzli turniri bo'lib, unda 5 qitaning sara stol tennisi ustalari g'oliblik uchun bahs olib borishadi. Ayni paytda qura natijasi ham malum bo'lib, unga ko'ra jamoamizning birinchi raqamli raketkasi, Rio Olimpiadasi ishtirokchisi Zohidjon Kenjaev turnirni ertaga livanlik Toriq Mahrumga qarshi boshlaydi. Yana bir vakilimiz Abdulaziz Anorboev esa xitoylik Cu CHenchao qarshiligini engishga harakat qilsa, Islombek Sultonov Xitoy Taipeyi vakili Vang-Vei Peng bilan hisob-kitob qiladi.