21 sen 09:27
Yangiliklar

Stol tennisi

Stol tennischilarimiz Gruziyada navbatdagi medallarni qo'lga kiritishdi

Avval xabar berganimizdek, Gruziyaning Batumi shahrida stol tennisi bo'yicha "Youth Contender" xalqaro musobaqasi bo'lib o'tmoqda.

O'zbekistonlik stol tennischilar mazkur musobaqada yana ikkita medalga ega chiqishdi.

Dastlab, Eleonora SHirieva 11 yoshgacha (U-11) bo'lgan sportchilar toifasida bronza medalini qo'lga kiritdi. 15 yoshgacha (U-15) sportchilar o'rtasida o'tkazilgan bellashuvlarda esa Arujan Kamalova yarim finalgacha etib keldi va terma jamoamiz hisobiga bronza medalini qo'shib qo'ydi.

Qayd etish joiz, Arujan bir kun oldin U-13 bahslarida kumush medaliga ega chiqqan edi.

SHunday qilib, O'zbekiston terma jamoasi Gruziyadagi "Youth Contender" musobaqasini 3 ta medal bilan yakunladi.