Stol tennisi bo'yicha O'zbekiston chempionati start oldi

O'zbekiston Jismoniy tarbiya va sport vazirligi, Milliy olimpiya qo'mitasi, mamlakatimiz stol tennisi federaciyasi tomonidan tashkil etilayotgan mazkur chempionatda 160 nafar sportchilar g'oliblik uchun kuch sinashmoqda.

Bugun, 29 noyabr kuni, mamlakat birinchiligining ochilish marosimi bo'lib o'tdi.

Unda Milliy olimpiya qo'mitasi raisi Rustam SHoabdurahmonov va boshqalar mamlakatimizda Prezidentimiz SHavkat Mirziyoev tomonidan yoshlar o'rtasida Olimpiya sport turlarini yanada ommalashtirish, jumladan stol tennisi bo'yicha mahoratli sportchilarni kamol topishlari uchun bir qator imkoniyatlar yaratilayotgani haqida to'xtalib o'tdi. SHuningdek, bugungi kunda stol tennisini imkoniyati cheklangan insonlar o'rtasida tatbiq etish va ularni professional sportchi bo'lib shakllanishlari uchun bir qator ishlar amalga oshirilayotgani, buning samarasida, kelgusida para stol tennisi bo'yicha Osiyo va jahon chempionalari hamda Paralimpiya o'yinlari sovrindorlari etishib chiqishi shubhasiz ekanini takidladi.

Tantanali ochilish marosimidan so'ng, musobaqa ishtirokchilari qizg'in bahslarga kirishdi.

- Bugungi kunda jismoniy tarbiya va sport bilan shug'ullanish uchun yurtimizda qulay imkoniyatlar yaratilmoqda, — deydi O'zbekiston stol tennisi federaciyasi raisi

Saida Mahmudova.- Ushbu imkoniyatlardan unumli foydalanayotgan yoshlarimiz esa o'zlari uchun sevimli bo'lgan sport turlari bilan shug'ullanib, yuksak marralar sari olg'a bormoqda. Mazkur chempionatdan ko'zlangan asosiy maqsad, iqtidorli yosh tennischilarni saralab ularni terma jamoa safiga qo'shgan holda xalqaro musobaqalarga tayyorlashdir. Umid qilamizki, yosh tennischilarimiz kelgusida Osiyo va Olimpiya o'yinlarida mamlakatimiz sharafini munosib himoya qiladi. Bu uchun ularda barcha imkoniyatlar bor.