Stol tennisi bo'yicha XV respublika o'smirlar turniri o'tkazildi

Ushbu turnir “Sogʻlom avlod uchun” xalqaro xayriya fondi, O'zbekiston Respublikasi jismoniy tarbiya va sport vazirligi, Xalq talimi vazirligi hamda stol tennisi Federaciyasi hamkorligida har yili ananaviy tarzda o'tkazib kelinmoqda. Joriy yil mazkur musobaqa yakuniy bosqichida Respublikamizning barcha viloyatlari, Qoraqalpog'iston Respublikasi va Toshkent shahridan 1-bosqichda g'oliblikni qo'lga kiritgan jami 56 nafar 2006-2007 yillarda tug'ilgan o'smirlar qatnashdi. Ishtirokchilar juftlik va yakka tartibdagi musobaqalarda o'zaro bellashdilar. Turnir juft razryad asosida qiz va o'g'il bolalar orasida olimpiya, yani o'yinni tark etish tizimi bo'yicha o'tkazildi. 

Yakuniy natijalarga ko'ra, birinchi o'rinni o'g'il bolalar o'rtasida qoraqalpog'istonlik Damir Juzbanov, qizlar o'rtasida esa Toshkent viloyatidan kelgan Sagdiana Ubaydullaeva egalladi.

G'oliblar diplom va esdalik sovg'alari bilan taqdirlandi.