Sultonov birinchi raketkaga munosib qarshilik ko'rsatdi

M25 toifasiga kiruvchi ushbu musobaqada hamyurtimiz Humoyun Sultonov ham ishtirok etdi. Mamlakatimizning birinchi raketkasi 1/16 finalda germaniyalik Yakob SHnaytterni 3/6, 6/4, 7/5, 1/8 finalda yana bir olmon tennischisi Yannik Opicni 7/5, 6/2 hisobida mag'lubiyatga uchratdi.

Afsuski, yarim final yo'llanmasi uchun kechgan bahsda turnirning birinchi raketkasi, franciyalik Den Eddedga 5/7, 4/6 hisobida imkoniyatni boy berib qo'ydi. Endi u bor etiborini juftlikdagi ishtirokiga qaratadi. 

Taqqoslash uchun, turnirda beshinchi raqam ostida tasniflangan Humoyun ayni paytda dunyoning 429-raketkasi bo'lib turibdi. Edded esa ATP reytingida 285-o'rinni band etgan.