Sultonov kambek evaziga Franciyadagi turnirni g'alaba bilan boshladi

M25 toifasiga kiruvchi ushbu musobaqada hamyurtimiz Humoyun Sultonovning ham ishtirok etishi haqida xabar bergan edik. Mamlakatimizning birinchi raketkasi 1/16 finalda germaniyalik Yakob SHnaytterga qarshi kortga chiqdi. 

Birinchi setni 3/6 hisobida boy bergan Sultonov ajoyib kambek evaziga uchrashuvni o'z foydasiga hal qildi. U keyingi setlarda 6/4, 7/5 hisoblarida zafar quchdi. Ushbu bahs 2 soatu 23 daqiqa davom etgan.  

Taqqoslash uchun, turnirda beshinchi raqam ostida tasniflangan Humoyun ayni paytda dunyoning 429-raketkasi bo'lib turibdi. Germaniyalik tennischi esa ATP reytingida 693-pog'onadan joy olgan. Endi ertaga u 1/8 finalda Opitc/Vilegjanin o'yini g'olibiga qarshi kortga chiqadi.