Sultonov Nakxonsitxammaratda 1/4 finalga chiqdi

Ushbu musobaqada hamyurtimiz Humoyun Sultonov birinchi raqam ostida tasniflangan. Mamlakatimizning birinchi raketkasi biroz avval yakuniga etgan 1/8 final uchrashuvida yaponiyalik Ryotaro Taguchini 6/3, 6/4 hisoblarida mag'lubiyatga uchratdi. Bu tennischilarning o'zaro o'tkazgan ilk uchrashuvi edi.  

Taqqoslash uchun, Sultonov ATP reytingida 433-o'rinni egallab turibdi. Taguchi esa reytingga ega emas. U ilk bosqichda dunyoning 834-raketkasi bo'lib turgan franciyalik Fransua Musitellidan ustun kelgandi - 6/4, 6/4. Sultonovning chorak finaldagi raqibi Avstraliya va Tailand davlati tennischilarining uchrashuvidan so'ng aniq bo'ladi.