Surxondaryoda birinchilardan bo'lib Xalqaro dzyudo kuni nishonlandi + FOTOGALEREYA

Dzyudo asoschisi Dzigoro Kano aynan shu sanada dunyoga kelgan. Har yili shu sanada Xalqaro dzyudo federaciyasiga azo 5 qitaning 200 ga yaqin mamlakati, shu jumladan O'zbekistonda ham o'ziga xos dzyudo bayrami keng tantana qilinadi. 

SHuningdek, har yili Xalqaro dzyudo federaciyasi (IJF) tomonidan bu kunga o'ziga xos shior ham tanlanadi. Bu safar IJF WELLBEING shiorini tanladi. Bu o'zbek tilida "Farovonlik" manosini anglatadi.

Bugun butun dunyoda bo'lgani kabi yurtimizda ham Xalqaro dzyudo kuni keng nishonlanadi. Birinchilardan bo'lib ushbu dzyudo bayramini surxondaryolik dzyudochilar tantana qilishdi. Termiz shahrida tashkil etilgan tadbirda ananaga ko'ra bolalarga shirinliklar va albatta bayram torti ulashildi.

SHuningdek, shu kunning o'zida "Surxon Judo" klubi tashabbusi bilan Xalqaro dzyudo kuniga bag'ishlangan kichik yoshdagi dzyudochilar uchun musobaqa ham o'tkazildi. G'olib va sovrindorlarga medal, diplom va esdalik sovg'alari topshirildi.

Taqdirlash marosimida sportchilik faoliyatida jahon chempionatinin kumush medali sovrindori, ko'plab xalqaro musobaqalar g'olibi, Olimpiya o'yinlari ishtirokchisi bo'lgan, hozirda Surxondaryo viloyati terma jamoasi murabbiyi sifatida ishlayotgan SHarofiddin Lutfullaev ham ishtirok etdi.