Svetlana Osipova: "Ukrainalik sportchilar bilan tajriba almashdik"

5 yanvarda boshlangan mazkur yig'in 31 yanvar kuni yakuniga etdi. Ushbu yig'inda qatnashgan Svetlana Osipova O'zbekiston taekvondo WT associaciyasi matbuot xizmatiga o'z fikrlarini bildirdi. 

"Yig'in ajoyib o'tdi deb bemalol ayta olaman. Yanvar oyidagi yig'inda murabbiylarimiz asosiy etiborni jismoniy holatimizni yaxshilashga qaratishdi. Deyarli bir oyga yaqin vaqt davomida shug'ullandik va bo'lajak xalqaro musobaqalarga tayyorlandik. To'g'risini aytsam uydagilarni juda sog'indim. 

Ukrainalik taekvondochilar ham biz bilan birga yig'inda qatnashishdi. Ular juda tajribali va kuchli sportchilar ekani ko'rinib turdi. Bir-birimizdan bilmagan narsalarni o'rgandik, tajriba almashdik. Endi bizni sparringlar kutmoqda, demak yanada qiziqarli yig'in va mashg'ulotlar oldinda", - deydi Svetlana Osipova.