04 dek 10:48
Yangiliklar

Taekvondo

Taekvondo ITF: Toshkentda bolalar, o'smirlar va yoshlar o'rtasida O'zbekiston kubogi o'tkaziladi

5-6 dekabr kunlari taekvondo ITFning massogi (sparring) yo'nalishi bo'yicha bolalar, o'smirlar va yoshlar o'rtasida Konstituciya - baxtimiz qomusi shiori ostida O'zbekiston kubogi tashkil etiladi.

Musobaqa Toshkent davlat Moliya institutining sport majmuasida rangli belbog' sohiblari ishtirokida bo'lib o'tadi.

Jismoniy tarbiya va sport vazirligining sport va ommaviy jismoniy tarbiya tadbirlarining 2020 yil uchun respublika kalendar rejasiga muvofiq o'tkazilayotgan ushbu musobaqada 500 nafardan ortiq ishtirokchi g'oliblik uchun kurash olib borishi kutilmoqda.

O'zbekiston kubogi musobaqasi taekvondo ITF bilan muntazam ravishda shug'ullanayotgan sportchilarning jismoniy tayyorgarliklarini oshirish va mamlakat terma jamoalariga iqtidorli yoshlarni saralash (selekciya) vazifasini o'tab beradi.

Musobaqa g'olib va sovrindorlari Jismoniy tarbiya va sport vazirligi tomonidan medal, diplom hamda esdalik sovg'alari bilan taqdirlanadi.