Taekvondo. Mamadibragimova jahon chempionati yarim finaliga chiqdi!

Qizlar o'rtasida turnirdm -53 kg vazn toifasida yurtimiz sharafini himoya qilayotgan sportchimiz Dinoraxon Mamadibragimova raqiblarini mag'lub etib chorak finalga yo'l olgani haqida xabar qilgandik.

Kuchli to'rtlikka kirish uchun bo'lib o'tgan jangda vakilamiz serbiyalik Tiyana Bogdanovichga qarshi jang qildi. 5:5 hisobi bilan yakunlangan to'qnashuvda Dinoraxon faollik evaziga g'olib deb topildi va yarim final yo'llanmasini qo'lga kiritdi.

Yarim final janglari ertaga bo'lib o'tadi. Sportchimiz finapga chiqish uchun Turkiya vakili Zeliha Agrishga qarshi jang qiladi.