Taekvondo. Terma jamoamizning 5 nafar vakili "Usi Katta dubulg'a" turniri final bosqichiga yo'l oldi

Kun davomida erkaklar -58 kg, -80 kg vazn toifalarida, ayollar esa -57 hamda +67 kg vazn toifalarida bahs olib bordi.

Kechagi kun terma jamoamiz uchun -80 kg vazn toifasida omadli o'tdi, deyish mumkin. Unda ishtirok etgan uch nafar sportchimizdan ikki nafari sovrinli o'rinlardan joy oldi:

Oltin. Jasurbek Jaysunov (O'zbekiston)

Kumush. Maksim Xromsov (Xalqaro neytral sportchi)

Bronza. SHuhrat Salaev (O'zbekiston)

Musobaqa doirasida -57 kg vazn toifasida terma jamoamiz sharafini himoya qilgan CHaros Qayumova hamda Madina Mirabzalova o'z ishtirokini nimchorak finalda yakunladi. Erkaklar o'rtasida -58 kg vazn toifasidagi vakillarimiz Amirbek To'raev 1/16 final jangida g'alaba qozonganiga qaramay, nimchorak finalda raqibiga imkoniyatni boy berib qo'ydi. Omonjon Otajonov ham afsuski, chorak final yo'lida xitoylik raqibiga mag'lub bo'ldi.

SHunday qilib, turnirning final bosqichiga yo'llanma olgan taekvondochilarimiz soni 5 taga etdi. Bular: Jasurbek Jaysunov, SHuhrat Salaev, Nikita Rafalovich, Ozoda Sobirjonova hamda Feruza Sodiqova.

Ertaga turnirning hal qiluvchi, final bosqichi start oladi.