14 iyu 14:20
Yangiliklar

Taekvondo

Taekvondo WT. Omonjon Otajonov va Madina Mirabzalova "Muju Gran-Pri CHellenji"da ishtirok etadi!

15-17 iyul kunlari Koreya Respublikasining Muju shahrida "Muju Grand-Prix Challenge 2023" xalqaro musobaqasi bo'lib o'tadi.

Musobaqada 18 ta mamlakatdan tashrif buyurgan 100 ga yaqin erkaklar va ayollar to'rttadan vaznda g'oliblik uchun kurashadi. G1 toifasida o'tkaziladigan ushbu turnirda O'zbekiston terma jamoasining ikki vakili — Omonjon Otajonov (-58 kg) hamda Madina Mirabzalova (-57 kg) ishtirok etadi. Musobaqada g'oliblikni qo'lga kiritgan sportchilar hamda ikkinchi o'rin egalari reyting ochkolaridan tashqari Tayvan Gran-Prisiga to'g'ridan-to'g'ri yo'llanmaga ega chiqishadi.

Eslatib o'tamiz, jahon chempionati sovrindori bo'lmish Omonjon Otajonov yaqinda Anqarada bo'lib o'tgan "Turkish Open" musobaqasida bronza medalini qo'lga kiritgan edi.