Taekvondo (WTF). Jahon chempionatida yana bir medal!

Musobaqaning ikkinchi kunida o'g'il bolalar o'rtasida -51 va -55kg, qizlar o'rtasida esa -46 va -49 kg vazn toifalarida janglar o'tkazildi.

Jahon chempionatida -51 kg vazn toifasida yurtimiz sharafini himoya qilgan Ulug'bek Rashidov sovrindorlar qatoridan o'rin olishga muvaffaq bo'ldi. U dastlabki bosqichlarda braziliyalik Gabriel Alves (25:5), malayziyalik Imon Firdavs Nasriddin (25:7), nimchorak finalda greciyalik Dikaios Michalakakos (25:13), chorak finalda esa rossiyalik Anatoliy Iarinni (18:8) mag'lub etdi va yarim final yo'llanmasini qo'lga kiritdi. Final yo'llanmasi uchun bo'lgan kurashda Ulug'bek eronlik Amir Valipurga 11:17 hisobida imkoniyatni boy berib qo'ydi va bronza medali bilan chegaralandi. Eronlik sportchi finalda ozarbayjonlik Xono'g'lon Karimovdan ustun kelib, oltin medal sohibiga aylanligini qo'shimcha qilib o'tishimiz joiz.

Eslatib o'tamiz, chempionatning birinchi kuni -45 kg vazn toifasida bahslarda ishtirok etgan sportchimiz Amirbek To'raev shohsupaning ikkinchi pog'onasidan o'rin olgandi.

Jahon chempionati 13 aprel kuni yakuniga etadi.

Malumot uchun, Ulug'bek Rashidov yaqindagina Xammamedda bo'lib o'tgan licenzion turnirda oltin medalga sazovor bo'lib, III o'smirlar Olimpiya o'yinlariga yo'llanmani qo'lga kiritgandi. U murabbiy Sobir Nazaralievning shogirdi hisoblanadi.