Taekvondo WTF. "Olimpiya kelajagi"ning navbatdagi hududiy bosqichi yakunlandi

"S" guruhida o'tkazilgan bellashuvlarda Qashqadaryo, Surxondaryo hamda Toshkent viloyati terma jamoalari o'zaro kurash olib borishdi. Musobaqa yakuniga ko'ra, Surxondaryo terma jamoasi birinchi o'rinni qo'lga kiritib, hal qiluvchi final bahslariga yo'l oldi.

Eslatib o'tamiz, bungacha Farg'ona viloyati hamda Toshkent shahri terma jamoalari o'z guruhlarida g'oliblikni qo'lga kiritib, final ishtirokchisiga aylangandilar.

Musobaqaning so'nggi hududiy bahslari 11-13 may kunlari Buxoro shahrida bo'lib o'tadi. Unda Qoraqalpog'iston, Xorazm, Buxoro va Navoiy terma jamoalari kurash olib boradilar.