Taekvondochilarimiz Osiyo chempionatida 12 ta medal qo'lga kiritdilar

Unda qitamizning 18 mamlakati vakillari ishtirok etdi. CHempionatda Sobir Nazaraliev boshchiligidagi terma jamoamiz azolari muvaffaqiyatli ishtirok etdi.

Kecha terma jamoamiz azolar kerugi yo'nalishida o'z chiqishlarini davom ettirishdi. -33 kg vaznda bahslarda ishtirok etgan Daniil Kim yarim finalda koreyalik raqibiga 20:25 hisobida imkoniyatni boy berib, bronza bilan kifoyalandi. -59 kg da o'z imkoniyatini sinovdan o'tkazgan Iroda Mirtojieva ham final yo'llanmasi uchun kurashda mezbonlar vakilasiga mag'lub bo'ldi (16:37) va shohsupaning 3-pog'onasidan joy oldi.

+59 kg li sportchimiz Kseniya Smirnova eronlik sportchiga ortiqcha qarshilik ko'rsata olmadi va u ham navbatdagi bronzani terma jamoamizga taqdim etdi.

-37 kg gacha bo'lgan vaznda Amir To'raev finalgacha muvaffaqiyatli etib bordi va bosh sovrin uchun bahsda eronlik raqibiga kichik hisobda (10:16) imkoniyatni boy berib, kumush bilan chegaralandi.

-29 kg da dayanga chiqqan Munisa Karimova Janubiy koreyalik tajribali sportchiga qarshi final uchrashuvida (4:24) mag'lubiyatga uchradi va kumush medal chegarasida qoldi.

Eslatib o'tamiz, chempionatning birinchi kuni pumse yo'nalishida Iroda Umrzoqova oltin, Aynur Umrzoqova va Islombek Rajaboev yakkalik pumseda, Iroda Umrzoqova hamda Islombek Rajaboev juftlik chiqishlarida bronza medallarini qo'lga kiritgan edi.

-45 kg gacha bo'lgan vaznda Azizbek Rahmonberdiev mamlakatimiz kadetlari hisobiga ilk oltin medalni rasmiylashtirgan edi. 

-41 kg vaznda Sevinch Musirova esa bronza medali sohibasi bo'lgandi.

SHunday qilib, O'zbekiston kadetlar terma jamoasi Osiyo chempionatida 2tadan oltin va kumush va 8 bronza medalini qo'lga kiritishdi.

Sportchilarimiz 9 iyun kuni Toshkentga qaytib kelishadi.