“Talaba bahori” shiori ostida musobaqa o'tkazildi

Tadbir gimnastika sport turi bo'yicha o'tkazildi. Unda universitet professor-o'qituvchilari, talabalar ishtirok etdi.

Talabalar sport gimnastikasi, badiiy gimnastika, sport akrobatikasi yo'nalishlarida tasma, halqa, to'p va bulavada mashq bajarish bo'yicha bor iqtidori, mahorati va tajribasini, musiqa va ohangni his qilish qobiliyatini namoyish etdi. Tadbir dasturidan ko'pkurash – yakkalik va guruh hamda ayrim gimnastika turlari bo'yicha chiqish mashqlari joy oldi.

Gimnastikachi qizlarning gilamdagi engil, chaqqon va nozik harakatlari tomoshabinlarga zavq bag'ishladi. Bir so'z bilan aytganda tadbir barcha ixlosmandlar uchun haqiqiy yoshlik, go'zallik va sport bayramiga aylandi.