Tanzila Narbaeva Osiyo velosport konfederaciyasi prezidenti bilan yangi rejalarni muhokama qildi

Martabali mehmon tashrif davomida O'zbekiston Respubilkasi Oliy Majlis Senati Raisi, mamlakat velosiped sporti federaciyasi rahbari Tanzila Narbaeva qabulida bo'ldi.

Uchrashuvda yurtimizda velosportni yanada rivojlantirish, velosiped sport turlarini aholi o'rtasida ommalashtirish, ayniqsa, yoshlar va xotin-qizlarni ushbu sport turiga keng jalb qilish, professional sportchilarni tayyorlash, shuningdek, Osiyo velosport konfederaciyasi bilan hamkorlikda istiqbolli rejalarni amalga oshirish masalalari muhokama qilindi.

Muloqot davomida Tanzila Narbaeva Osiyo velosport konfederaciyasi tomonidan ko'rsatilgan amaliy ko'mak tufayli O'zbekiston velosiped sport federaciyasi ko'zga ko'rinarli yutuqlarga erishayotganini takidlab o'tdi. Xususan, O'zbekiston erkaklar va ayollar terma jamoalari UCI Olimpiya reyting setkasidan joy olib, erkaklar terma jamoasi UCI xalqaro reytingida 52-o'rindan 34-o'ringa, ayollar terma jamoasi 22-o'rindan 17-o'ringa ko'tarilgani alohida tilga olindi.

O'z navbatida, Osama Al SHafar O'zbekistonda velosportni rivojlantirish yuzasidan amalga oshirilayotgan say-harakatlarni, sportchilar uchun yaratilayotgan shart-sharoitlarni yuqori baholab, atletlarimizning qisqa davr ichida jahon velosport olamida o'z o'rniga ega bo'lgani va Osiyo qitasi o'zbekistonlik sportchilarning yutuqlari bilan faxrlanayotganini alohida takidlab o'tdi. 

SHu bilan birga, Osiyo velosport konfederaciyasi bundan keyin ham O'zbekistonda velosportni rivojlantirish bo'yicha amalga oshirilayotgan ishlarni qo'llab-quvvatlashga tayyor ekanligini qayd etdi.

SHuningdek, suhbat chog'ida O'zbekistonda velosportning shosse, tog' va trek turlari bo'yicha musobaqalarni tashkil etish, Osiyo chempionatlarini o'tkazish bo'yicha taklif va mulohazalar bildirildi.

O'zbekiston velosport terma jamoasining moddiy-texnik bazasini yanada mustahkamlash, xorijiy murabbiylarni jalb etish orqali sportchilarni kelgusidagi yirik musobaqalarga puxta tayyorlash kabi ustuvor masalalar yuzasidan hamkorlikni yanada kengaytirishga kelishib olindi.