Muhammad Jaludga O'zbekiston Respublikasining "Faxriy fuqarosi" maqomi berildi

Uchrashuvda Sport vazirligi va MOQ rahbariyati ham ishtirok etdi. Suhbat davomida O'zbekistonda og'ir atletikani rivojlantirish, uning ommaviyligini oshirish, iqtidorli yoshlarni qo'llab-quvvatlash va yuqori malakali sportchilarni tayyorlash borasida amalga oshirilayotgan tizimli ishlar muhokama qilindi.

So'nggi yillarda mazkur sport turi bilan shug'ullanuvchilar soni izchil ortib, o'zbekistonlik sportchilarning nufuzli xalqaro musobaqalarda yuqori natijalarga erishayotgani sohadagi islohotlarning amaliy samarasi ekani takidlandi.

Xalqaro og'ir atletika federaciyasining sportni global miqyosda rivojlantirish, halol raqobat tamoyillarini mustahkamlash, dopingga qarshi kurashish mexanizmlarini takomillashtirish hamda gender tenglikni taminlash borasidagi faoliyati yuqori baholandi.

SHuningdek, Xalqaro va Osiyo og'ir atletika federaciyalarining O'zbekiston bilan yo'lga qo'ygan samarali hamkorligi, mamlakatimizda og'ir atletikani rivojlantirish va xalqaro musobaqalarni yuqori saviyada tashkil etishga qo'shayotgan hissasi alohida etirof etildi.

Muloqot chog'ida shu yilning 7-14 avgust kunlari Toshkent shahrida o'tkaziladigan og'ir atletika bo'yicha o'smirlar va yoshlar o'rtasidagi Osiyo chempionatining hamda Osiyo og'ir atletika federaciyasi Ijroiya qo'mitasi yig'ilishining ahamiyatiga alohida etibor qaratildi.

Ushbu nufuzli tadbirlar sport sohasidagi xalqaro hamkorlikni yanada kengaytirish, yoshlarni sportga jalb etish, tajriba almashish va O'zbekistonning xalqaro sport maydonidagi nufuzini mustahkamlashga xizmat qilishi qayd etildi.