13 may 21:57
Yangiliklar

Dzyudo

Tarixda ilk bor jahon chempionatida 4 ta medal qo'lga kiritdik

Qatar poytaxti Doha shahri mezbonlik qilayotgan dzyudo bo'yicha kattalar o'rtasidagi 36-Jahon chempionatining yakkalik bahslari yakuniga etdi.

Bugun jahon chempionati yakkalik bahslarining so'nggi kuni Alisher Yusupov +100 kg vazn toifasida bronza medaliga ega chiqdi. U bronza uchun kechgan murosasiz bellashuvda yaponiyalik Kokoro Kageurani ippon bahosi bilan mag'lubiyatga uchratdi. Ipponga qadar u vazari bahosida yutqazayotgan edi.

SHu tariqa, O'zbekiston terma jamoasi 2 ta kumush, 2 ta bronza medali bilan 99 davlat orasida umumjamoa hisobida 8-o'rinni egalladi. Birgina oltin medal bizni 4-o'ringa olib chiqar edi.

Kumush medal sohiblari

-52 kg: Diyora Keldiyorova

-60 kg: Dilshodbek Baratov

Bronza medal sohiblari

-73 kg: Murodjon Yo'ldoshev

+100 kg: Alisher Yusupov