Tavsiya qilamiz. Qozoq SHavkat Rahmonov - mukammal UFC yulduzi!

16 sentyabr kuni Las-Vegasda navbatdagi UFC Fight Night turniri bo'lib o'tadi va unda asosiy bahs Aleksa Grasso hamda Valentina SHevchenko o'rtasida kechadi. Undan avvalgi jangda esa qozog'istonlik mag'lubiyat nimaligini bilmay kelayotgan SHavkat Rahmonov amerikalik Kelvin Gastelumga qarshi oktagonga chiqadi.

Rahmonov  yarim o'rta vazn toifasidagi qora ot va tabiiyki, divizionning amaldagi chempioni Leon Edvards uchun jiddiy xavf tug'diradi. SHavkat UFC'dagi debyutini 2020 yil 24 oktyabrda o'tkazdi. U 12:0 hisobidagi rekord va M-1 Global chempioni sifatida birinchi ligaga chiqdi. Uch yil ichida Rahmonov besh marta g'alaba qozonib, reytingda yuqoriladi va ayni paytda oltinchi pog'onani egallagan holda kuchli beshlikka yaqin turibdi.

Yarim o'rta vazn haqida gapiradigan bo'lsak, ko'plab aralash yakkakurash ustalari muxlislari Xamzat CHimaev nomini darhol eslashadi. BORZ UFC'ga bo'ron kabi bostirib kirdi va hammani va hamma narsani yirtib tashlashga tayyor edi. Ammo keyin uzoq vaqt to'xtab qoldi. CHimaev tashkilotdagi faoliyatining boshidagi haqiqiy jangchidan ko'ra ko'proq internet jangchisiga aylandi.

SHavkat esa Xamzatning mutlaqo aksi. Qozog'istonlik MMAchi barcha janglarni qabul qiladi, ijtimoiy tarmoqlarda juda kamtar. SHu bilan birga, Rahmonov nafaqat muntazam ravishda jang o'tkazadi, balki g'alaba qozonadi va buni yorqin tarzda amalga oshiradi. SHavkat ikki martagina UFC bonusisiz qolgan.

Yana ikkita jangda Rahmonovning raqiblari vazn toifasiga kirmagan bo'lsa-da, SHavkat bu bahslardan ham bosh tortmadi: u oraliq vaznda jang qildi. Boz ustiga, u hech bir jangini hakamlar qarorigacha qoldirmagan: Rahmonov UFC'dagi barcha g'alabalarini muddatidan avval qo'lga kiritgan.

Mana shunday statistik malumotlar va mana shunday yorqin janglar bilan Dana Uayt va machtmeykerlar yana SHavkatga kuchli 5 talikdan bo'lmagan raqibni tanladilar. Va aniqrog'i, umuman reytingda yo'q jangchini. Garchi Kelvin Gastelum ko'p narsalarni boshdan kechirgan jangchi bo'lsa-da... U SHavkatdan etti yil oldin yarim o'rta vazn toifasi bilan UFC'da debyut qilgan. Israel Adesanyaga qarshi o'rta vazn toifasida vaqtinchalik chempionlik jangigacha borgan. Bu uning faoliyatidagi eng og'ir to'qnashuvlardan biri edi. Kelvin shundan so'ng oxirgi etti jangining beshtasida mag'lubiyatga uchradi va buning natijasida amerikalik yana yarimo'rta vaznga qaytishga qaror qildi.

Gastelumni yangi - eski divizionda kutib olish SHavkat Rahmonovning chekiga tushdi. Ha, Rahmonov kuchli 5 talikdan biri bilan jang qilishga haqli edi, lekin vaziyat SHavkat foydasiga emas edi. Gilbert Byorns jarohat oldi, Xamzat CHimaev tushunarsiz vaziyatda, Kolbi Kovington Leon Edvards bilan chempionlik jangini kutmoqda, Byornsni mag'lub etgan Belal Muhammad esa voqealar rivojini shunchaki kuzatish bilan band va chempionlik uchun ham umid qilmoqda.

SHu tufayli SHavkat yana pastga qarashga majbur bo'ldi, bu safar hatto reytingdan ham pastroqqa. Ehtimol, bu u qadar ham yomon emasdir. Gastelum - UFC'da haqiqatan ham mashhur va taniqli jangchi. Uning ustidan qozonilgan g'alaba va agar u ham yorqin, shuningdek, muddatidan oldin bo'lsa, Rahmonovga kuchli 5 talik vakillari bilan jang olib beradi. Balki, yuqori 5 likdan joy egallashi ham mumkin. SHunda raqiblarga Rahmonovdan qochish va uni sezmay qolish qiyinroq bo'ladi: SHavkat chempionlik jangi sari qatiy harakat qilmoqda.