Tel-Aviv "Katta Dubulg'a" turnirida TOP-8`dan joy oldik

Musobaqada dunyoning 60 davlatidan jami 418 nafar dzyudochi turnir medallari hamda Tokio Olimpiadasi yo'lidagi muhim reyting ochkolari uchun tatamiga chiqdi. Ular qatorida O'zbekiston terma jamoasining 11 nafar azosi ham o'z imkoniyati va mahoratini sinovdan o'tkazdi. Ilk bor IJF musobaqasida ishtirok etgan yosh dzyudochilarimiz Jaloliddin Boynazarov va SHohruh Baxtiyorov uchun Tel-Aviv tatamilari katta imtixon bo'ldi. Aytish mumkinki, bu yigitlar o'zlaridan yomon taassurot qoldirishmadi. Ularning har ikkisi ham turnirda g'alaba hissini tuya olishdi va o'z hisoblariga mos ravishda 120 hamda 160 reyting ochkolarini qo'shib qo'yishdi. 

Umumiy ishtirokimizga kelsak, terma jamoamiz Isroil turnirida 1 ta oltin, 2 ta bronza medali bilan yakunda umumjamoa hisobida 60 davlat orasida 8-o'rinni band etdi. Bu yaxshi natija. SHarofiddin Boltaboev oltin medal va 1000 reyting ochkosiga ega bo'ldi. Ushbu natijasi evaziga u TOP-10 reytingga kirib oladi. -66 kg vazn toifasidagi bellashuvlarda yurtimiz sharafini himoya qilgan Sardor Nurillaev va Muhriddin Tilovov bronza medali hamda 500 reyting ochkosini qo'lga kiritdi. 

Bugun O'zbekiston terma jamoasi delegaciyasi Istanbul - Toshkent reysi bilan tungi soat 01:55da yurtimizga qaytib keladi. Endi bor etibor 5-7 mart kunlari poytaxtimizdagi muhtasham "Humo" arena saroyida o'tkaziluvchi Toshkent "Katta Dubulg'a" turniriga tayyorgarlikka qaratiladi. Bo'lajak musobaqada O'zbekiston terma jamoasi har bir vazn toifasida 4 nafardan dzyudochisi bilan ishtirok etadi.