Terma jamoamiz Antaliyaga jo'nab ketdi

O'nga yaqin davlatdan 120 nafardan ziyod dzyudochi qatnashadigan ushbu xalqaro yig'in 14 fevralga qadar davom etadi. SHundan so'ng terma jamoamiz delegaciyasi Antaliyadan to'g'ri Isroilning Tel-Aviv shahriga jo'naydi. 18-20 fevral kunlari Isroilda "Katta Dubulg'a" turkumiga kiruvchi nufuzli turnir bo'lib o'tadi. Hozirgacha mazkur musobaqada qatnashish istagini 65 davlatning 397 nafar dzyudochisi bildirgan. 

O'zbekiston terma jamoasi tarkibiga nazar tashlaydigan bo'lsak, kichik o'zgarishlar ko'zga tashlanadi. Jahon chempionatining kumush medali sovrindori SHarofiddin Lutfullaev, -73 kg vazndagi etakchi dzyudochimiz Hikmatulloh To'raev, eng og'ir vaznli vakilimiz Bekmurod Oltiboev Antaliya yig'ini hamda Tel-Aviv turnirida ishtirok etmaydi. Murabbiylar ularning o'rnida yoshlarga imkoniyat berishyapti. Jarohatidan forig' bo'lib qaytgan Alisher Yusupov, yoshlardan SHoxruh Baxtiyorov, Jaloliddin Boynazarov tarkibni to'ldirishdi.     

Antaliya yig'iniga yo'l olgan tarkib:

-60 kg: Diyorbek O'razboev

-66 kg: Sardor Nurillaev, Muhriddin Tilovov 

-73 kg: Jaloliddin Boynazarov 

-81 kg: SHarofiddin Boltaboev

-90 kg: Davlat Bobonov

-100 kg: Muhammadkarim Hurramov

+100 kg: Alisher Yusupov, SHoxruh Baxtiyorov

PS: Tarkibga keyinroq Isroil "Katta Dubulg'a" turniri uchun Diyora Keldiyorova va Gulnoza Matniyazova qo'shilishadi