Terma jamoamiz medallar jamg'arish bo'yicha 49-o'rinda!

Terma jamoamiz dzyudochilarimiz Diyorbek O'rozboev va Rishod Sobirov qo'lga kiritgan ikkita bronza medali bilan umumjamoa hisobida 207 ishtirokchi davlat orasida 49-o'rinni egallab turibdi. Bir kun avval biz 44-pog'onadan joy olgandik.

Olimpiadaning oltinchi kungi bahslaridan so'ng AQSH terma jamoasi hamon medallar jamg'arish bo'yicha peshqadamlikni o'z qo'lida saqlab turibdi. Okean orti jamoasi jami 38ta medalni qo'lga kiritib ulgurdi. SHulardan 16tasi oltin, 12tasi kumush, 10tasi bronza medallaridir.

Ikkinchi o'rindagi Xitoy terma jamoasida 11ta oltin medal bor. Kumush medallar 8tani, bronza esa 11tani tashkil qilmoqda. Ettita oltin, 2ta kumush, 13ta bronza medaliga ega Yaponiya terma jamoasi uchinchi o'rinni band etgan. To'rtinchi pog'onadagi Avstraliyada 5ta oltin, 4ta kumush, 6ta bronza medali mavjud.

SHu kungacha 35ta davlat terma jamoalari kamida bir nafar Olimpiada chempioniga ega bo'lib ulgurdi. Qirq ettita terma jamoa hisobida esa kamida bittadan kumush medal bor. Ellik oltita mamlakat jamoasi esa kamida bittadan bronza medaliga ega.