Termiz OZK bilan o'zaro hamkorlik Memorandumi imzolandi

Termiz Olimpiya zaxiralari kollejida dzyudo sport turi nufuzini yanada ko'tarish, jahon arenalarida yosh sportchilarimizning yuqori natijalarga erishishini taminlash va o'zaro hamkorlik aloqalarini rivojlantirish maqsadida O'zbekiston dzyudo federaciyasi bilan hamkorlik Memorandumi imzolandi. 

Memorandumni Termiz olimpiya zaxiralari kolleji direktori Hasan Saparov hamda O'zbekiston dzyudo federaciyasi raisi o'rinbosari Bekzod To'raboevlar imzolashdi. 

SHundan so'ng B.To'raboev boshchiligida Termiz OZKning dzyudo bo'limi sportchi-o'quvchilari uchun federaciya vakillari tomonidan dzyudo qoidalariga kiritilgan yangilik va o'zgarishlar to'g'risida o'quv-amaliy seminar ham tashkil etildi.

Qolaversa, tadbir doirasida Tokio-2020 yozgi Olimpiya o'yinlari ishtirokchilari SHarofiddin Lutfullaev hamda Hikmatullo To'raev ishtirokida Surxondaryo viloyatidagi eng iqtidorli yosh dzyudochilar uchun master-klass ham o'tkazildi.

Ishonamizki, o'zlarining sevimli sportchilari bilan o'tkazilgan mahorat saboqlari yoshlarga katta motivaciya berib, ularni yangidan-yangi g'alabalar sari ruhlantiradi.