Tezkor. Murodjon Ahmadaliev keyingi jangini WBA kamari yo'lida meksikalik "engilmas" bokschiga qarshi o'tkazadi

WBA kamari uchun yakuniy Eliminator sifatida o'tadigan mazkur jangda Murodjon Ahmadalievga yaponiyalik Tomoki Kameda raqiblik qilishi zarur edi. Biroq Kameda boshqa vaznga o'tayotgani tufayli hamyurtimizning raqibi o'zgardi.

Endilikda Murodjon "Kaka" Ahmadaliev WBA Final Eliminator jangida meksikalik Kevin Gonsales bilan to'qnash keladi. Har ikki jangchi kelishuvga erishishi uchun 30 kun muddat berildi. Kelishuvga erishilmagan taqdirda, WBA har ikki bokschi uchun 50 % dan gonorar taqsimlanishini taklif qiladi.

Murodjon Ahmadaliev birinchi yarim engil vazn toifasida WBA va IBF yo'nilishlarida sobiq jahon chempioni hisoblanadi. U faoliyati davomida 12 ta jang o'tkazib, ularning 11 tasida g'alaba qozongan, so'nggi jangida filippinlik Marlon Tapalesga imkoniyatni boy bergan.

Meksikalik Kevin Gonsales esa prof boksda 26 ta jang o'tkazib, ularning 25 tasida g'alaba qozongan va bitta jangi durang bilan yakunlangan.

Eslatib o'tamiz, mazkur jang g'olibi WBA kamari sohibi Marlon Tapales yoki bo'lajak davogar Naoya Inoue bilan jang qiladi.