Tim Czyu Brayan Mendosadan engilroq tosh bosdi

Oqshomning markaziy jangida asli kelib chiqishi rossiyalik, hozirda Avstraliya sharafini himoya qilayotgan Timofey Czyu AQSH vakili Brayan Mendosaga qarshi ringga ko'tariladi. Jang g'olibi WBO chempionlik tituli hamda vaqtinchalik WBC kamariga ega chiqadi. 

Bugun bokschilar tarozidan o'tish marosimida ishtirok etishdi. Har ikki bokschi birinchi o'rta vazn toifasi uchun belgilangan meyorni bajarishgan. Timofey Czyu 69,4 kg, uning raqibi esa 69,9 kg vazn qayd etgan.

Malumot uchun, mashhur Konstantin Czyuning o'g'li hisoblangan Tim professional boksda 23 ta jang o'tkazib, barchasida g'alaba qozongan. Hisobida 17 ta nokautli jang bor. Brayan hisobida esa 22 g'alaba (16 tasi nokaut bilan) va 2 mag'lubiyat bor.