30 iyu 07:03
Yangiliklar

Tadbirlar

Tokio-2020 licenziati “Tahsin-2021” tanlovi g'olibi bo'ldi

Teglar : Tokio-2020 Tahsin-2021

Yoshlar ishlari agentligi tomonidan ilm-fan, sport, xalqaro aloqalar, madaniyat, innovaciya, tibbiyot va boshqa sohalarda mamlakat rivojiga katta hissa qo'shgan istedodli yoshlarni taqdirlash uchun Tahsin mukofoti tasis etilgan bo'lib, mazkur tanlovning bu yilgi taqdirlash marosimi bo'lib o'tdi.

Marosim Alisher Navoiy nomidagi Davlat akademik Katta teatri maydonida o'tkazildi. G'oliblarini aniqlash uchun vazirlik, idora va tashkilotlar tomonidan 28 ta nominaciya bo'yicha 500 nafardan ortiq nomzodlar tavsiya etilgan.

Ular ichidan mamlakatimiz taraqqiyoti yo'lida ko'rsatgan xizmatlari, faolligi va munosib mehnatlari bilan namuna bo'lgan g'oliblar saralab olindi va ularga «Tahsin-2021» milliy mukofoti topshirildi. Ular orasida bir qator yosh va istedodli sportchilarimiz: badiiy gimnastikachi, Tokio-2020 licenziati Sabina Tashkenbaeva, shaxmatchi Nodirbek Abdusattorov laureatlar qatoridan joy olishdi.

Taqdirlash marosimida O'zbekiston Respublikasi Prezidenti maslahatchisi Abdujabbor Abduvohidov, O'zbekiston Respublikasi Bosh vazirining o'rinbosari, Turizm va sport vaziri Aziz Abduhakimov, MOQ raisi Rustam SHoabdurahmonov va uning birinchi o'rinbosari Ravshan Irmatov ham ishtirok etib, tanlovning bir qator yo'nalishdagi g'oliblariga mukofotlarni topshirishdi.