Tokio-2020 Olimpiya va Paralimpiya o'yinlariga yo'llanma olgan sportchilar taqdirlanishdi

Yig'ilishda O'zbekiston Respublikasi Bosh vazirining o'rinbosari – Turizm va sport vaziri Aziz Abduxakimov, vazirlik va O'zbekiston Milliy olimpiya qo'mitasi mutasaddilari, sport federaciyalari va associaciyalarining masul xodimlari hamda ommaviy axborot vositalari xodimlari ishtirok etishdi.

Yig'ilishda dastlab Olimpiya va Paralimpiya o'yinlariga yo'llanmalarni qo'lga kiritgan sportchilardan bir guruhi hamda ularni tayyorlagan trenerlar pul mukofotlari bilan taqdirlandi. Prezident qaroriga muvofiq, Olimpiya va Paralimpiya o'yinlariga yo'llanma olgan sportchilarning har biriga 100 million so'm miqdirida, ularni tayyorlagan trenerlariga esa 50 million so'm miqdoridagi pul mukofotlari uchun sertifikatlar topshirildi.

Mukofotlarni sportchilar va trenerlarga O'zbekiston Respublikasi Bosh vazirining o'rinbosari, Turizm va sport vaziri A.Abduxakimov hamda O'zbekiston Milliy olimpiya qo'mitasi raisi R.SHoabduraxmonov topshirdi.

Quyida mukofotlangan sportchi va trenerlar bilan tanishing:

Olimpiya o'yinlariga

Safaraliev Sobir Xusnitdin o'g'li – akademik eshkak eshish, 2000 m. LM 2x;

Treneri – SHugurov Dmitriy Vladimirovich;

Xolmirzaev SHaxboz Ibrohim o'g'li – akademik eshkak eshish, 2000 m. LM 2x;

Treneri – Didrix Vyacheslav Sergeevich;

Taxirova Muxtasar Jahongir qizi – O'q otish (10 m. miltiqdan otish, 50 m. pnevmatik miltiqdan otish);

Treneri – Kuznecova Elena Borisovna;

Paralimpiya o'yinlariga

Isoqova Ziyoda Abdug'affor qizi – Parataekvondo (-49 kg vazn toifasi);

Treneri – Qo'ziev Bobur Sobirovich;

Toxirov Zuxriddin Zoxir o'g'li – Parataekvondo (-61 kg vazn toifasi);

Treneri – Qo'ziev Bobur Sobirovich.