Tokio-2020. SHahobiddin Zoirovning vaznida chempion aniqlandi

Biroz avval -52 kg vaznda final bahsi yakunlandi. Unda Buyuk Britaniya vakili Galal Yafay hamda fillipinlik Karlo Palam chempionlik uchun kurashdi. To'qnashuv yakuni ingliz bokschisining 4:1 hisobidagi g'alabasi bilan yakunlandi.

Bronza medallari Qozog'iston vakili Saken Bibosinov va yaponiyalik Ryomei Tanakaga nasib qildi.

Ushbu vaznda yurtimiz sharafini Rio Olimpiadasi chempioni SHahobiddin Zoirov himoya qilgan edi. Bokschimiz chorak finalda Karlo Palamga qarshi jang qilgandi. Ikkinchi raundda Zoirovning jarohati tufayli referi jangni to'xtatgandi va g'alaba shu vaqtgacha yig'ilgan ochko evaziga filippinlik charm qo'lqop ustasiga berilgandi.