Tokio 2020 yo'lida. Sport federaciyalari bilan hamkorlikda Olimpiadaga tayyorgarlik jarayoni davom etmoqda

Avval xabar berib o'tganimizdek, shu kunlarda O'zbekistondagi sport federaciya va associaciyalari bilan 2020 yilda Yaponiyada o'tkaziladigan Olimpiya o'yinlari uchun tuzilgan strategik reja keng muhokama qilinmoqda. Bungacha ko'plab sport federaciyalari Milliy olimpiya qo'mitasini o'z rejalari bilan tanishtirdilar. Bunday yig'ilishlarning navbatdagisi O'zbekiston «Rowing & Canoe» hamda O'zbekiston suzish federaciyasi mutasaddilari bilan o'tkazildi.

«Rowing & Canoe» federaciyasi tizimida uch yo'nalish mavjud: akademik eshkak eshish, baydarka va kanoeda eshkak eshish hamda slalomda eshkak eshish. Yig'ilish davomida har bir yo'nalish bo'yicha terma jamoa murabbiylari Tokio 2020 Olimpiya o'yinlari uchun qo'yilgan reja bilan tanishtirdilar. Olimpiadaga licenziya beruvchi musobaqalar haqida malumot berildi. Milliy olimpiya qo'mitasi ishchi guruhi vakillari bilan birgalikda bu yo'lda uchrayotgan muammolar, kamchiliklar muhokama qilindi. Malumki, mazkur sport turi bo'yicha O'zbekiston qitada etakchilardan biri hisoblanadi. Endi ushbu etakchilikni jahon miqyosiga olib chiqish lozim. Amalga oshirilayotgan islohotlar esa bunga oz vaqt qolganligini ko'rsatib turibdi.

O'zbekiston suzish federaciyasi vakillari (suzish, sinxron suzish va suvga sakrash) bilan o'tkazilgan yig'ilishda ham saralash musobaqalari taqvimi, sportchilarimizning imkoniyatlari, natijalar va ko'rsatkichlar, muammo va kamchiliklar muhokama qilindi.

Milliy olimpiya qo'mitasi Olimpiya o'yinlariga tayyorgarlik jarayonida federaciyalar bilan hamjihatlikda ish olib borib, o'zbek sporti tarixida yangi sahifa ochishni o'z oldiga maqsad qilib qo'ygan.