Tokio-2020ga hududlarda qanday tayyorlanamiz?

Ana shu nufuzli musobaqalarga puxta hozirlik ko'rishni taminlash maqsadida O'zbekiston Respublikasi Prezidentining 2017 yil 9 martdagi PQ-2821-son qarori qabul qilingan. So'ngra qaror ijrosi yuzasidan 2017 yil 26 martda Vazirlar Mahkamasining Respublika komissiyasi 1-son yig'ilish bayoni qabul qilingan bo'lib, unda Qoraqalpog'iston Respublikasi Jo'qorg'i Kengesi, viloyatlar va Toshkent shahar hokimliklari hamda sport federaciyalari va uyushmalari rahbarlari tomonidan bir oy muddatda 2017-2020 yillarga mo'ljallangan hududiy Dasturni ishlab chiqish, Jismoniy tarbiya va sport davlat qo'mitasi va O'zbekiston Milliy olimpiya qo'mitasi bilan kelishilgan holda Respublika komissiyasiga taqdimot materiallari bilan kiritish vazifalari topshirilgan edi.

Jismoniy tarbiya va sport davlat qo'mitasida viloyat hokimi o'rinbosarlari, viloyat jismoniy tarbiya va sport boshqarmalari boshliqlari va Bolalar sportini rivojlantirish jamg'armasi viloyat filiali direktorlari o'z hududiy dasturlarini  taqdim etishdi. Qo'mita rahbar hodimlari va sport turlari bo'yicha Respublika oliy sport mahorati maktabi direktorlari hamda sport turlari bo'yicha federaciya vakillari, viloyatlardan tashrif buyurganlar ishtirokida ushbu dasturlar ko'rib chiqildi, yutuqlari etirof etilgani barobarida yo'l qo'yilgan kamchiliklar atroflicha tanqidiy muhokama qilindi.

Jumladan, Qoraqalpog'iston Respublikasi Jo'qorg'i Kengesi, Samarqand, Buxoro, Andijon, Xorazm Toshkent viloyatlari va Toshkent shahri hokimliklari, shuningdek, qilichbozliq, og'ir atletika, gimnastika, tennis federaciyalari,  Paralimpiya, sport kurashlari va taekvondo WTF associaciyasi vakillari tomonidan taqdimot materiallari talablarga javob berishi takidlandi.

Ammo Jizzax, Qashqadaryo, Farg'ona, Surxondaryo, Sirdaryo, Navoiy va Namangan viloyatlari hamda o'q otish, dzyudo, boks, “Rowing & Canoe” (eshkak eshish), chim ustida xokkey, engil atletika, karate, velosport, suzish, ot sporti federaciyalarining taqdimot materiallari dasturda yoritilishi lozim bo'lgan savollarga aniq javob va chora-tadbirlar belgilangan holda tayyorlanmagani ko'zga tashlandi. 

Jismoniy tarbiya va sport davlat qo'mitasi Vazirlar Mahkamasining 2017 yil 26 martdagi Respublika komissiyasi 1-son yig'ilish bayoni 38-bandida ko'rsatib o'tilgan dasturni amalga oshirishda ishtirok etuvchi davlat organi va xo'jalik boshqaruvi, joylardagi ijro hokimiyati organlari faoliyatini muvofiqlashtirishni taminlash maqsadida bir hafta muddatda taqdimot materiallarini qayta va puxta ishlab chiqib viloyat hokimi, sport federaciyasi rahbari darajasida atroflicha muhokama etish; respublika dasturida belgilangan 17 ta ustuvor sport turidan kelib chiqib viloyatning ustuvor sport turlarini aniqlash; 2018 yil avgust oyida Buenos-Ayres shahrida (Argentina) o'tadigan III o'smirlar Olimpiada o'yinlari hamda 2018 yil sentyabr oyida Jakarta va Palembang shaharlari (Indoneziya) mezbonlik qiladigan Osiyo va Parosiyo o'yinlariga viloyatdan nomzod bo'lgan sportchilarni aniqlash va ularning munosib tayyorgarlik ko'rishi bo'yicha shart-sharoit yaratish; amalga oshirilgan ishlar yuzasidan Vazirlar Mahkamasiga aniq tahliliy malumotlar hamda materiallarni taqdim etib borish maqsadida Jismoniy tarbiya va sport davlat qo'mitasining Oliy sport yutuqlari boshqarmasiga asoslangan tadqimot materiallarini taqdim etish vazifalari yuklatildi.

Dzyudo, boks, “Rowing & Canoe”, ot sporti, qilichbozliq, engil atletika, og'ir atletika, karate, gimnastika, tennis, chim ustida xokkey federaciyalari, Paralimpiya, sport kurashlari associaciyalariga O'zbekiston Respublikasi Prezidentining 2017 yil 9 martdagi PQ-2821-son qarorini bajarish yuzasidan tegishli topshiriqlar berildi.

Jismoniy tarbiya va sport davlat qo'mitasi matbuot xizmati