Tokio Olimpiadasiga tayyorgarlik muhokama qilindi + FOTO

Unda O'zbekiston Milliy olimpiya qo'mitasi raisi o'rinbosarlari Azizjon Kamilov, SHerzod Tashmatov, mamlakat dzyudo federaciyasi raisi o'rinbosarlari Zafar Mamajonov, Alisher Narbaev, federaciya mutasaddilari ishtirok etdi. 

Yig'ilishda ko'rilgan birinchi masala - bu Tokio Olimpiadasigacha qolgan musobaqalardagi terma jamoamiz azolarining ishtiroki mavzusida bo'ldi. Oldinda dzyudochilarimizni Antaliya va Qozon "Katta Dubulg'a" turnirlari, Bishkekda o'tadigan Osiyo chempionati hamda Budapesht mezbonlik qiladigan jahon chempionati kutib turibdi. 

Nomlari tilga olingan musobaqalarning bari Olimpiya o'yinlari licenziyalari yo'lida qimmatli ochkolarni taqdim etadi. Bugungi yig'ilishda dzyudochilarimizning ushbu musobaqalardagi muvaffaqiyatli ishtirokini taminlash, maksimal darajada reyting ochkolari jamg'arib borish lozimligi uqtirildi. 

Yosh dzyudochilarimizning Toshkent va Tbilisi "Katta Dubulg'a" turnirlaridagi muvaffaqiyatli ishtiroki ham tilga olinib, bundan keyin ham yoshlarga ko'proq etibor qaratish kerakli aytildi. 

Ikkinchi masala - bu O'zbekiston Mudofaa vaziri Kubogini o'tkazish va bu musobaqani federaciyaning yillik taqvim rejasiga kiritish ko'rib chiqildi. Reja bo'yicha ilk O'zbekiston Mudofaa vaziri Kubogi shu yil may oyida o'tkaziladi. Unda yosh dzyudochilar ishtirok etadi. Avvaliga viloyatlarda saralash turniri tashkil etiladi. G'olib va sovrindorlar esa musobaqaning respublika bosqichida qatnashish huquqini qo'lga kiritadi. 

Yig'ilish so'nggida muhokama qilingan masalalar bo'yicha masullarga tegishli ko'rsatmalar berildi.