28 sen 16:41
Yangiliklar

Paralimpiya

Tolibboy Yo'ldoshev shaxsiy rekordini yangilab, Jahon chempionatida sovrindor bo'ldi!

Teglar : Para engil atletika Tolibboy Yo'ldashev

Hindistonning Nyu-Deli shahrida boshlangan para engil atletika bo'yicha Jahon chempionatining dastlabki kunida O'zbekiston terma jamoasi 2 ta kumush va 1 ta bronza medaliga ega chiqdi.

Erkaklar o'rtasida F37 toifasida o'tkazilgan yadro uloqtirish bahslari biz uchun muvaffaqiyatli o'tdi. Unda ishtirok etgan Parij-2024 Paralimpiya o'yinlari g'olib va sovrindori Tolibboy Yo'ldoshev 15.86 m natija bilan Jaxon chempionati bronza medaliga ega chiqdi. Qayd etish joiz, bu Yo'ldoshev karerasidagi hozirga qadar bo'lgan eng yuqori ko'rsatkich hisoblanadi.

Jahon chempionati

Erkaklar o'rtasida yadro uloqtirish dasturi (F37)

1. Albert Xinchagov (Neytral maqomdagi sportchi) - 16.55 (JCH rekordi)

2. Aleksandr Belobokov (Neytral maqomdagi sportchi) - 16.16

3. Tolibboy Yo'ldoshev (O'zbekiston) - 15.86

SHu tariqa, 22 yashar Tolibboy o'z faoliyatida ikkinchi bor dunyo birinchiligi shohsupasiga ko'tarildi. U 2023 yil Parij mezbonligidagi JCHda ham bronza medaliga sazovor bo'lgandi.