Tom Aspinall Eddi Xirn bilan shartnoma imzoladi

Ushbu kelishuv doirasida Eddi Xirn Tom Aspinallning menejeri sifatida ishlaydi.

"Men o'z faoliyatimni sportchilar menejeri sifatida boshlaganman va o'tgan 30 yil ichida xalqaro yulduzlarni kashf etish, yuzaga chiqarish bo'yicha ulkan tajribaga ega bo'ldim, - dedi Xirn. - Ularning yo'li bizning yo'limiz. Ularning muvaffaqiyati bizning vazifamiz. Og'ir vazn toifasida UFC chempioni Tom Aspinall ushbu tamoyillarning ideal timsoli va jamoamizning birinchi ishtirokchisi hisoblanadi. Biz boshqalar salohiyatni buyuklikka aylantirish uchun to'siqlarni ko'rgan joyda imkoniyatlar yaratilishiga ishonamiz".

Avvalroq, Aspinall va uning otasi (uning murabbiyi ham) aralash yakkakurashlardan boksga o'tish niyatida ekanliklarini malum qilishgan edi, ammo hozircha bu haqda gap ketmayapti va Xirn Tomning UFC bilan shartnomasi doirasida uning ishlarini boshqaradi.

Eslatib o'tamiz, bir muddat avval UFC rahbari Dana Uayt Eddi Xirnning eng mashhur bokschilaridan biri Konor Bennni rekord darajadagi gonorar - 15 million dollar evaziga o'zining Zuffa Boxing boks ligasida bitta jang o'tkazish uchun o'z tomoniga og'dirib olgan edi.