Topuriya Maxachevga rad javobini berdi: "Navbatga tur"

Faqat bitta sharti bor: gruziyalik aralash yakkakurash ustasi engil vazndagi vakant bo'lib qolgan UFC kamarini qo'lga kiritadi. Rossiyalik esa yarimo'rta vaznda o'z niyatiga etib, yana engil vaznga qaytadi va navbatga turadi. Unga to'g'ri-to'g'ri chempionlik uchun imkoniyat taqdim etilmaydi. 

"Bilasizmi, Islam avvalboshdan o'z qarorlari bilan hammani qo'shtirnoq ichida xayron qoldirayotgandi. U bir hafta avval "Mening yarimo'rta vaznga o'tishim hech qanday ahamiyatga ega emas, boisi engil vazndagi chempionlik kamarini bo'shatib qo'ymayman" degandi. Men esa o'shanda engil vaznga ko'tarilmayman, chunki yarimo'rta vaznda qirolman", deb aytgandim. Oxir oqibat kim o'z so'zida turdi? Menmi yoki u? Har doimgidek men! SHunday ekan, endi u navbatga turadi va fursati kelishini kutadi. Lekin bu navbat uzun bo'ladi", – dedi Topuriya Ispaniyadagi matbuot anjumanida.

Eslatib o'tamiz, Islam Maxachevdan vakant qolgan kamar uchun Iliya Topuriya braziliyalik CHarlz Oliveyraga qarshi oktagonga chiqadi. Ushbu jang 28 iyun kuni Las-Vegasdagi UFC 317 turniri doirasida bo'lib o'tadi. Islam Maxachev esa yarimo'rta vaznning yangi chempioni, avstraliyalik Jek Della Maddalenaga qarshi jang o'tkazishi kerak. Hozircha bu jang rasman tasdiqlanmagan.