Toronto. Yannik Sinner ilk bor "Masters" turniri g'olibi bo'ldi

Jahonning 8-raketkasi italiyalik Yannik Sinner Torontodagi turnir finalida ATR reytingida 18-o'rinni egallab turgan avstraliyalik Aleks De Minaurni 6/4, 6/1 hisobida mag'lub etdi.

Uchrashuv bir soatu 29 daqiqa davom etdi. Italiyalik tennischi o'zaro uchrashuvlardagi ustunlikni mustahkamladi - 5:0.

Sinner o'z faoliyatida birinchi marta "Masters" turniri g'olibi bo'ldi. U ushbu g'alaba uchun 1000 reyting ochkosi va 1 019 035 dollar mukofot puliga ega bo'ladi, De Minaur esa 600 ochko va 556 630 dollar oladi.

Turnir natijalariga ko'ra, Yannik Sinner ATR reytingining oltinchi pog'onasiga ko'tariladi. Bu uning faoliyatidagi eng yuqori ko'rsatkich bo'ladi.