Toshkent badiiy gimnastika bo'yicha Jahon kubogi bosqichiga tayyorgarlikni davom ettirmoqda

Kecha MOQ hamda Jismoniy tarbiya va sport vazirligi rahbariyati musobaqaga olib borilayotgan tayyorgarlikni ko'zdan kechirish uchun Gimnastika saroyiga tashrif buyurishdi.

MOQ raisi Rustam SHoabdurahmonov hamda Jismoniy tarbiya va sport vazirining birinchi o'rinbosari Ravshan Irmatov boshchiligidagi mutasaddilarga O'zbekiston gimnastika federaciyasi raisi vazifasini bajaruvchi Ruslan Mustaev hamrohlik qildi.

Takidlash joiz, ushbu musobaqa Tokio Olimpiadasiga yakkalik yo'nalishida licenziyalar o'ynaladigan 4 bosqichdan biridir. Yakunda ushbu turnirlardagi kuchli uchlik Olimpiada yo'llanmalari sohibiga aylanadi. Unda ishtirok etish uchun esa 32 mamlakatning 100 nafardan ortiq sportchisidan talabnoma tushgan. SHunday ekan, musobaqaga har tomonlama munosib tayyorlanish kerak.

Mutasaddilar tashrif davomida arenada olib borilayotgan tayyorgarlik ishlari bilan yaqindan tanishib, uni yuqori baholashdi. Bazi yo'nalishlar bo'yicha ko'rsatma va takliflarini bildirishdi. SHuningdek, musobaqa payti karantin talablariga qatiy rioya qilish, mehmonlarning salomatligi va xavfsizligini taminlashni nazoratga olish bo'yicha ko'rsatma berildi. Qayd etish joiz, uchrashuv davomida terma jamoamizning 3 nafar vakiliga Xalqaro toifadagi sport ustasi, 2 nafariga esa sport ustasi unvoni taqdim etildi.