Toshkent karate (WKF) bo'yicha XVI Osiyo chempionatiga qay darajada tayyor?

Xo'sh, yurtimiz bo'lajak nufuzli sport anjumanini qabul qilish uchun tayyormi?

SHu va boshqa savollar bilan O'zA muxbiri O'zbekiston karate milliy federaciyasi bosh kotibi Kamoliddin Xojiniyozovga murojaat qildi.

- Bo'lajak nufuzli sport anjumanida ishtirok etish istagini bildirib, ro'yxatdan o'tgan davlatlar soni qirqtaga yaqinlashib qoldi. Bu ro'yxat yana o'sishi kutilmoqda, negaki ushbu qita chempionatida qatnashish istagi bilan murojaat qilishayotgan davlatlar bo'lib turibdi. Musobaqada qatnashish uchun hozircha 350 nafardan ortiq sportchi ro'yxatdan o'tdi.

- Toshkentda nafaqat qita chempionlari aniqlanadi, balki Osiyo karate federaciyasi prezidentligi uchun saylovlar ham o'tkaziladi. Mazkur jarayonni kuzatib borish uchun yurtimizga Butunjahon karate federaciyasidan faxriy mehmonlar ham taklif etilganmi?

- Albatta, bunday darajadagi nufuzli sport anjumanlari faxriy mehmonlarning ishtirokisiz o'tmaydi. Aytib o'tganingizdek, bu erda shunchaki qita chempionlari aniqlanmaydi, balki Osiyo karate federaciyasining prezidentligi uchun saylov ham o'tkaziladi. SHu bois Kongressda ishtirok etish uchun Osiyo karate federaciyasining masul xodimlari, qitamizdagi etakchi davlatlarning vakillari kelishadi. Bundan tashqari ushbu nufuzli sport anjumaniga Butunjahon karate federaciyasining prezidenti, janob Antonio Espinoza ham taklif etilgan. O'z navbatida janob Espinoza ushbu taklifni qabul qilgan holda O'zbekistonga kelishini malum qildi. Qolaversa Osiyo chempionati davrida Butunjahon karate federaciyasi bosh kotibi hamda ushbu tashkilotning Hakamlar hayati to'liq tarkibi bilan qatnashadi.

- Osiyo karate federaciyasi prezidentligi uchun saylovda kimlarning nomzodi ilgari surilmoqda?

- Toshkentda tashkil etiladigan Osiyo karate federaciyasining navbatdagi kongressi davrida tashkilot rahbarligi uchun saylovlar o'tkazilishi haqida aytib o'tdik. SHu bois ayni paytda Osiyo karate federaciyasi rahbarligi uchun bir qator nomzodlar ko'rsatilgan. Biroq, kongress o'tkaziladigan kunga qadar ko'rsatilgan nomzodlar o'z nomzodini qaytarib olishi ham mumkin. SHuningdek, kongress paytida Osiyo karate federaciyasining Ijroiya qo'mitasi kengashiga azolar ham saylanadi. Ijroqo'm azoligiga O'zbekiston karate federaciyasi raisi Alamjon Mullaevning nomzodi ko'rsatilgan.

- Osiyo chempionatida o'zbekistonlik qancha hakam ishtirok etadi?

- Hozirgi kunda xalqaro toifaga ega hakamlarimiz soni to'rt nafar. Osiyo qitasi miqyosida o'tadigan musobaqalarni boshqarish huquqiga ega hakamlarimiz soni esa 15 nafarga yaqin. Ushbu Osiyo chempionati boshlanishi oldidan Toshkentda hakamlar uchun seminar ham tashkil etiladi va unda muvaffaqiyatli qatnashgan hakamlar o'z darajasini oshirish imkoniyatiga ega bo'ladi. Qita chempionatida ishlash uchun o'zbekistonlik 11 nafar hakam ro'yxatdan o'tishgan. SHu o'rinda takidlash joiz, Tokio-2020 yozgi olimpiadasida qatnashadigan hakamlarimiz o'z o'rnida sportchilarga dalda bo'ladi. Hozirgi kunda Sanjar Maqsudov, Azizbek Bo'riev, Alisher Qilichev va Burhon Rahmonov kabi malakali hakamlarimiz Olimpiya o'yinlariga borish uchun yaxshigina imkoniyatga ega bo'lib turibdi.

Eslatib o'tamiz, karate (WKF) bo'yicha kattalar o'rtasida XVI Osiyo chempionati 19-21 iyul kunlari “O'zbekiston” sport-sog'lomlashtirish majmuasida o'tkaziladi. Tashkilotchilar tomonidan tomoshabinlar orasida ushbu musobaqaga qiziqishni yanada oshirish maqsadida kirish bepul qilib belgilangan.