Toshkent mezbonligida o'tadigan Jahon chempionatiga tayyorgarlik masalasi muhokama qilindi

Dunyoning yuzdan ziyod davlati dzyudochilari ishtirokida o'tadigan jahon chempionatini yuqori saviyada tashkil etish, yurtimizga keladigan mehmonlar uchun barcha qulayliklarni muhayyo etish, ularning yaxshi taassurotlar bilan qaytishlari uchun hozirdanoq zaruriy chora-tadbirlar ko'rilmoqda. 

O'zbekiston dzyudo federaciyasida o'tgan jahon chempionati ishchi guruhining navbatdagi yig'ilishida ham ushbu masalalar muhokama qilindi. Jahon chempionati ishtirokchilari, delegaciyalarni kutib olish hamda mehmonxonalarga joylashtirish, ularga yuqori servis xizmatini ko'rsatish, musobaqa logosi, mehmonlarga taqdim etiladigan esdalik sovg'alari muhokama qilindi.  

SHuningdek, "O'zbekistonda Dzyudo sport turini yanada rivojlantirish chora tadbirlari to'g'risidagi" Prezident Qarorining har bir bandi bo'yicha ham fikr almashildi.