Toshkent shahrida yangi sambo zali ochildi, sambochi bolakaylar uchun sport bayrami tashkil etildi + FOTO

Ichki Ishlar vazirligi qoshidagi 1-akademik liceyda maxsus sambo zali o'z faoliyatini boshladi. SHu munosabat bilan mazkur yangi zalda kichik o'smirlar o'rtasida ochiq chempionat tashkil qilindi. 

Unda "CHorvoq", "Dinamo", "Buka", "Mirobod", "Lokomotiv", shuningdek Ichki ishlar vazirligiga qarashli ikkita akademik liceydan jamoa ishtirok etdi. Musobaqada sambochilar 15 ta vazn toifasida bellashishdi. Turnir yakuniga ko'ra g'olib va sovrindorlar taqdirlandi. 

Etiborlisi, musobaqa yakunlangach sambochi bolakaylar uchun maxsus ikki qavatli avtobuslarda shahar bo'ylab ekskursiya tashkil etildi. SHahrimizning diqqatga sazovor bo'lgan joylariga tashrif bolakaylar xotirasida bir umr yodda qolishiga shubhamiz yo'q. 

O'z navbatida biz yangi sambo zali faoliyatida muvaffaqiyatlar tilaymiz va bu erdan yangidan-yangi chempionlar etishib chiqishiga tilakdoshmiz.