Toshkent suzish bo'yicha licenzion musobaqaga mezbonlik qiladi

Noyabr oyida o'tkazilgan musobaqaning ahamiyatli jihati, unda g'oliblar Xalqaro suv sporti turlari federaciyasi (FINA) tomonidan Tokio-2020 licenziyasi uchun qimmatli reyting ochkolariga ega bo'lishgan edi. Ochiq chempionatda O'zbekiston suv sporti ustalari bilan bir qatorda Qirg'iziston hamda CHexiya terma jamoalari ham ishtirok etishgandi.

Boshlangan yangi 2021 yilda ham O'zbekiston suzish federaciyasi o'z oldiga ulkan maqsadlarni qo'ymoqda. Joriy yilning aprel oyida yana bir nufuzli musobaqaga mamlakatimiz mezbonlik qiladi.

O'zbekistonda suzish federaciyasi suv sportini rivojlantirish va ommalashtirish, shuningdek FINA va boshqa milliy federaciyalar bilan o'zaro munosabatlarni rivojlantirish maqsadida FINAga 2021 yilning aprel oyida suzish bo'yicha navbatdagi O'zbekiston ochiq chempionatini Tokio Olimpiadasi saralashi sifatida tasdiqlash to'g'risida murojaat qildi.

O'zbekiston suzish federaciyasiga keng miqyosidagi xalqaro tadbirlarni tashkil qilish bo'yicha tajribasi va amaliyotini hisobga olgan holda, FINA O'SFning taklifini qo'llab-quvvatladi va joriy yilning 12-17 aprel kunlari poytaxtimiz suzish bo'yicha O'zbekiston ochiq chempionatiga mezbonlik qiladigan bo'ldi.

Ushbu musobaqa nafaqat Tokio-2020 Olimpiya o'yinlari, balki jahon chempionatlari uchun ham saralash bosqichi vazifasini o'tab beradi. Bunda belgilangan normativni bajargan sportchilar Olimpiya o'yinlari bilan bir qatorda joriy yil Abu-Dabida kichik havzada o'tadigan (25m) 15-jahon chempionati va 2022 yilda Yaponiyaning Fukuoka shahri mezbonlik qiluvchi 19-jahon chempionatlarida ishtirok etish huquqini ham qo'lga kiritishlari mumkin bo'ladi.