Toshkent tumani karate bo'yicha "Keles Open" turniriga mezbonlik qiladi

10-11 iyun kunlari Toshkent tumani sport maktabiga qarashli "Universal" sport majmuasida O'zbekiston Respublikasi yoshlar siyosati va sport vazirligi, Toshkent viloyati yoshlar siyosati va sport bosh boshqarmasi, Toshkent tumani hokimligi, viloyat karate federaciyasi va qator hamkor tashkilotlar ko'magida sportning karate WKF turi bo'yicha "Keles Open" to'rtinchi ananaviy xalqaro turniri bo'lib o'tadi. 

O'zbekiston Respublikasi Prezidentining 2017 yil 3 iyuldagi "Jismoniy tarbiya va ommaviy sportni rivojlantirish chora-tadbirlari to'g'risida"gi qarori hamda 5 ta muhim tashabbusning ikkinchi tashabbusi ijrosini taminlash maqsadida o'tkazilayotgan mazkur xalqaro turnirda mamlakatimiz sportchilaridan tashqari Qozog'iston, Qirg'iziston, Tojikiston kabi davlatlardan 5 yoshdan 18 yoshgacha bo'lgan eng sara karate ustalari g'oliblik uchun bahslarda ishtirok etadi.

Toshkent tumani "Keles-Karate" sport klubi rahbari Dilshod Yusupovning bizga bergan malumotiga ko'ra, ayni paytda esa xalqaro turnirni yuqori saviyada o'tkazish uchun tayyogarlik ishlari olib borilmoqda.

Ilhom RAHMONOV tayyorladi