Toshkent tumanida karate WKF bo'yicha "Keles Open" xalqaro turniri o'tkaziladi

O'smirlar, yoshlar va kattalar o'rtasida beshinchi bor ananaviy tarzda o'tkazilayotgan mazkur musobaqada O'zbekiston, Qozog'iston, Tojikiston, Turkmaniston, Qirg'iz Respublikasi hamda Rossiya davlatidan keladigan eng sara karatechilarning ishtirok etishi kutilmoqda. 

Toshkent tumani hokimligi, Toshkent viloyati sport boshqarmasi, O'zbekiston karate (WKF) associaciyasi, Toshkent tumani sport maktabi va boshqa qator masul tashkilotlar "Keles karate" sport klubi bilan hamkorlikda o'tkazilayotgan ushbu xalqaro musobaqani yuqori saviyada o'tkazish uchun hozirda tayyorgarlik ishlari olib borilmoqda. 

Musobaqadan ko'zlangan asosiy maqsad - O'zbekiston Respublikasi Prezidentining 2023 yil 3 noyabrdagi "Karate (WKF) sport turini yanada rivojlantirish chora-tadbirlari to'g'risida"gi 356-sonli qarori ijrosini taminlash, yoshlarni jismoniy tarbiya va sportga, xususan, karate sport turiga bo'lgan qiziqishlarini orttirish, iqtidorli sportchilarni saralash va terma jamoalarga jalb etishdan iborat bo'ladi.

Ilhom RAHMONOV tayyorladi